Number Spoofing වලදී සිදුවන්නේ ඔබ හොඳින් දන්නා කියන විධිමත් ආයතනයන්ගේ දුරකථන අංක ව්‍යාජව නිර්මානය කර සයිබර් අපරාධකරුවන් එවා ඔස්සේ ලබා දෙන දුරකථන ඇමතුම් මගින් බැංකු ගිනූම් තොරතුරු ලබා ගන්නට උත්සාහ කිරීම, වෙනත් ගිනුම් වෙතට ඔබගේ ගිනුමෙන් මුදල් හුවමාරුවකට ඔබ පොලබවා ගැනීම වැනි ක්‍රියාකාරකම් බවටයි පැහැදිලි කෙරෙන්නේ. බොහෝ විට තම දුරකථනයේ මතකයේ රඳවා ඇති අංකයක් වන බැවින් ඇමතුම ලබන්නා එම ඇමතුම් කෙරෙහි විස්වාසය තබන්නට පොලබීම ඔස්සේ එම අපරාධකරුවන් පහසුවෙන් තම ඉලක්ක සපුරා ගන්නා බවටයි විස්තර වන්නේ. කාලයක් තිස්සේ සිදුවෙමින් පවතින්නක් බවට කියවෙන මෙම අපරාධ ආකාරයේ මෑතකදී සිට වැඩි වීමක් දැකිය හැකි බවටයි දැක්වෙන්නේ. බොහෝ විට එම ආයතනයන් දුරකථන ඇමතුම් ඔස්සේ මෙවැනි තොරතුරු ඉල්ලා නොසිටීම මෙන්ම මෙවැනි ඇමතුම් සදහා එක්වර ප්‍රථිචාර නොදක්වා වැඩි දුර තොරතුරු අදාල ආයතනයේ වෙබ් අඩවි , විකල්ප දුරකථන අංක ඔස්සේ සොයා බැලීම වැදගත් වනු ඇති බවටයි පැහැදිලි කෙරෙන්නේ.
